Það hefur oft verið sagt að stofan okkar sé lítil og kósý. Við erum mjög sáttar við það og leggjum metnað í að viðskiptavinir okkar upplifi hverja komu sem dekur. Ef viðskiptavinum líður vel hjá okkur, um leið og þeir fá viðeigandi meðferð, er tilganginum náð. Við leggjum okkur fram við að héðan gangi þeir út endurnærðir á líkama og sál, svolítið ánægðari en þegar þeir komu, og hlakki til að koma aftur.
Snyrtifræðimeistari og fótaaðgerðafræðingur
Ásdís rak sína eigin stofu í 20 ár, bættist í hópinn okkar 2017.
Snyrtifræðimeistari - eigandi
Erna er snyrtifræðimeistari, eigandi stofunnar og naglafræðingur. Hún var í sveinsprófsnefnd í snyrtifræði árið 2006-2011.
Snyrtifræðingur
Eva Karen er snyrtifræðingur og hefur unnið á snyrtistofunni frá því hún útskrifaðist af snyrtifræðibraut FB 2013.
Snyrtifræðingur
Gurrý útskrifaðist frá FB árið 2013 og lauk sveinsprófi í janúar 2017. Í millitíðinni eignaðist hún Evu Malen sem er tveggja ára.
Snyrtifræðingur
Sólrún útskrifaðist frá Snyrtiakademíunni 2016 og hóf störf á stofunni að námi loknu.
Naglafræðingur
Steinnunn er naglafræðingur og hefur einnig sérhæft sig í augnháralengingum.
Snyrtifræðimeistari
Eyrún er snyrtifræðimeistari og rak sína eigin stofu í nokkur ár. Hóf störf hjá okkur haustið 2017.
Snyrtifræðingur
Lára er snyrtifræðingur og útskrifaðist frá Fjölbrautaskólanum í Breiðholti árið 2013.
Snyrtifræðimeistari
Alda er snyrtifræðimeistari, nagla- og förðunarfræðingur. Alda lauk meistaranámi 2008 og var í 4 ár í sveinsprófsnefnd. Alda er í leyfi.
Snyrtifræðingur
Ásta er snyrtifræðingur og hefur unnið á stofunni frá því að hún útskrifaðist af snyrtifræðibraut FB 2016. Ásta er í fæðingarorlofi.
Snyrtifræðimeistari
Berglind er snyrtifræðimeistari. Hún lauk sveinsprófi árið 2008 og útskrifaðist úr Meistaraskólanum árið 2013.
Snyrtifræðimeistari
Jóna er snyrtifræðimeistari og hefur starfað á stofunni frá 2013. Jóna er í fæðingarorlofi.
Gleðin var við völd í partýi þann 19. september í tilefni af stækkun stofunnar. Í boðinu varð ekki þverfótað fyrir glæsilegum konum. Boðið var upp á léttar veitingar og eins og sjá má á myndunum voru allir svona líka hressir og kátir.
Iðnaðarmannafélagið í Reykjavík hélt Nýsveinahátíð sína í tólfta sinn laugardaginn 3. febrúar. Við erum afskaplega stolt af Gurrý Jónsdóttur sem fékk viðkurkenningu fyrir afburðaárangur á sveinsprófi.
TOUCH SKIN er ný meðferð á Íslandi, hröð og áhrifarík leið til að glíma við óæskilega húðgalla á andliti og líkama. Lisa Beau sem er alþjóðlegur kennari fyrir TOUCH SKIN kom til okkar í apríl og var með þjálfun fyrir starfsfólk Snyrtistofunnar Garðatorgi.
Friðrika Hjördís Geirsdóttir – Rikka
Ég hlakka alltaf til að koma á Snyrtistofuna á Garðatorgi þar sem ég fæ hlýjar og dásamlegar móttökur. Ég er ein af þeim sem steinsofna alltaf í meðferðum og verð þar af leiðandi endurnærð eftir hverja heimsókn.
Helga Árnadóttir
Það sem er alveg einstakt við Snyrtistofuna Garðatorgi er hinn mikli metnaður hvað varðar aðstöðu og fagmennsku. Það skiptir engu máli hver veitir þjónustuna, hún er alltaf óaðfinnanleg. Svo er líka eitthvað svo hlýlegt og gott að koma og vel tekið á móti manni.
Gullveig Sæmundsdóttir
Ég kem reglulega á Snyrtistofuna á Garðatorgi til þess að hressa aðeins upp á útlitið og sálartetrið í leiðinni. Þjónustan sem ég nýt þar er einstök og einmitt þess vegna kem ég aftur og aftur.
